கால் எலும்பில் ஏற்பட்ட காயத்துக்கான ஆபரேஷனை மீண்டும் தள்ளிப்போட்டார் அஜீத். விஷ்ணுவர்தன் இயக்கிய ஆரம்பம் பட ஷூட்டிங் துபாயில் நடந்தபோது கார் சேஸிங் காட்சியில் நடித்தார் அஜீத். வேகமாக ஓடும் காரின் முன்பக்கத்தில் நின்றபடி அவர் மோதும் சண்டை காட்சி படமாக்கப்பட்டது.
அப்போது அவரது கால் வழுக்கி முன்பக்க சக்கரத்தில் சிக்கியது. இதில் கால் எலும்பில் காயம் ஏற்பட்டது. டாக்டர்கள் எக்ஸ்ரே எடுத்து பார்த்தபோது எலும்பில் காயம் ஏற்பட்டிருந்தது தெரிந்தது. அதற்கு ஆபரேஷன் செய்யவும் ஆலோசனை கூறினர். ஆனால் படத்தை முடித்துவிட்டு ஆபரேஷன் செய்வதாக கூறினார் அஜீத்.
இந்நிலையில் வீரம் படத்தின் ஷூட்டிங்கை விரைந்து முடிக்க வேண்டிய சூழல் ஏற்பட்டதால் ஆபரேஷனை தள்ளிப்போட்டார். அப்படத்தின் ஷூட்டிங் முடிந்ததும் ஆபரேஷன் செய்ய எண்ணி இருந்தார். தற்போது மனைவி மகளுடன் அஜீத் ஆஸ்திரேலியா சென்றிருக்கிறார்.
அங்கிருந்து வந்ததும் சிகிச்சை பெறுவாரா என்றதற்கு அவரது தரப்பில் பதில் அளித்தனர். வெளிநாட்டிலிருந்து திரும்பியதும் கவுதம் மேனன் இயக்கும் படத்தில் அஜீத் நடிக்க உள்ளார். அநேகமாக இப்படத்தை முடித்துவிட்டுத்தான் காலில் பட்ட காயத்துக்கு ஆபரேஷன் செய்துகொள்வார் என்று தெரிவித்தனர்.
0 comments:
Post a Comment