மூன்று வேறுபட்ட இசை வடிவங்களில் ஜில்லா ஆடியோ..?

இளைய தளபதி விஜய், மோகன்லால் மற்றும் காஜல் அகர்வால் நடிப்பில் நாளை வெளியாகவுள்ள ஜில்லா திரைப்படத்தின் ஆடியோ நேற்று வேறுபட்ட வடிவங்களில் வெளியாகவுள்ளதாக இப்படத்தின் இசையமைப்பாளர் இமான் கூறியுள்ளார்.

ஜில்லா படத்தின் ஆடியோ தேர்வு செய்யப்பட்ட திரையரங்குகளில் புதிய ஆடியோ வடிவமான ஆரோ 3D முறையிலும் மற்ற திரையரங்குகளில் 5.1 DTS மற்றும் டால்பி ஆட்டம்ஸிலும் வெளியாகவுள்ளது. ஜில்லா படத்தின் இசை ஏற்கெனவே ஹிட்டாகியிருப்பதால், இப்படத்தின் பின்னணி இசையை எதிர்பார்த்துக் காத்திருக்கின்றனர் விஜய் ரசிகர்கள்.

ஜில்லா திரைப்படம் சூப்பர் குட் பிலிம்ஸ் ஆர்.பி.சௌத்ரி தயாரிப்பில், நேசன் இயக்கத்தில் வெளியாகவுள்ளது. ரசிகர்களின் நீண்ட நாள் எதிர்பார்ப்பான தலதளபதி படங்கள் இந்தப் பொங்கலில் வெளியாகவுள்ளது குறிப்பிடத்தக்கது.

ஜில்லா திரைப்படத்தின் கேரள வெளியீட்டு உரிமையைப் பெற்றுள்ள மோகன்லால், கேரளாவில் இப்படம் சுமார் 300 திரையரங்குகளில் வெளியாகவுள்ளதாகத் தெரிவித்துள்ளார்.